ပထမဆုံးအလုပ်ဆင်းသောနေ့

Posted by | June 9, 2013 | Articles, Workplace

By Rachel Emma Silverman

Rover.com ကုမ္ပဏီ၏ website တွင် maintenance engineer အလုပ်ရရှိသွားသော ဂျိုဟန် ဟယ်လာသည် အရာရာ မြန်ဆန်လွန်းလှသော ပထမဆုံး အလုပ်ဆင်းသောနေ့နှင့် ကြုံတွေ့ရသည့်အတွက် အံ့သြမိကြောင်း ပြောကြားပါသည်။ “ကျွန်တော်တစ်ရက်ထဲမှာပဲ Live run နေတဲ့ ကုမ္ဗဏီဝဗ်ဆိုက်ကို အများကြီးပြင်ဆင်ပြီး update လုပ်လိုက်တယ်။ ကုဒ်တွေချက်ခြင်းပြောင်း၊ အထက်အသင်းခေါင်းဆောင်ကို ချက်ခြင်းတင်ပြရတယ်။ ဒါဟာဘာကိုပြလဲဆိုတော့ ကုမ္ဗဏီရဲ့ လိုအပ်တဲ့စနစ်တွေ၊ ပစ္စည်းတွေ၊ ကိရိယာ ဆော့ဖ်ဝဲတွေအဆင်သင့် ရှိနေပြီး ရောက်ရှိလာတဲ့ ၀န်ထမ်းအသစ်ကို ချက်ခြင်းအလုပ်ခွင်မှာ နေသားကြစေတာပဲ။ တစ်ရက်လုံးထိုင်ပြီး ၀န်ထမ်းမှတ်ပုံတင်ကဒ်၊ သို့ ကွန်ပျူတာတစ်လုံးရဖို့ အလဟဿစောင့်ဆိုင်းနေရတာမျိုးမရှိဘူးပေါ့။” 

MyanmarJobsDB

MyanmarJobsDB

ဤသို့ဆိုလျှင် အချို့လူများအတွက် ပထမဆုံး လုပ်ငန်းခွင်ဝင်ရသည့်နေ့ဟာ ဘာကြောင့် စိတ်ညစ်စရာနေ့တစ်ခု ဖြစ်နေပါသလဲ။

များသောအားဖြင့် ပထမနေ့တွင် ဝန်ထမ်းအသစ်များကို အထပ်လိုက်ရှိသော အာမခံကြေးဆိုင်ရာ စာရွက်စာတမ်းများ၊ နည်းပညာဆိုင်ရာများဖြင့် ဗျာများနေရခြင်းနှင့် ကုမ္ပဏီ၏ ယဉ်ကျေးမှုအကြောင်း ရှင်းပြထားသော presentation များက ကြိုဆိုနေလေ့ရှိသည်။ အထက်ကပြောသလို အလဟဿအချိန်ကုန်စောင့်နေရတဲ့ အချိန်များလဲရှိသည်။ အလုပ်မပေးသေးသ၍ ဘာလုပ်ရမှန်းမသိ ယောင်တောင်တောင်လဲ ဖြစ်နေတတ်သည်။

သို့သော် အချို့သောကုမ္ပဏီများသည် ပထမဆုံးအလုပ်စဝင်သောနေ့တွင် ၄င်းတို့ကုမ္ပဏီအားအထင်ကြီးခံရရေးအတွက် လုပ်ငန်းခွင်နှင့် အသားကျအောင်မိတ်ဆက်ပေးခြင်းကို ကုမ္ပဏီဆိုင်ရာ မဟုတ်တော့ပဲ၊ ကောလိပ်ကျောင်းကဲ့သို့ အလုပ်သမား အချင်းချင်း ချိတ်ဆက်ပွဲများ၊ ဝန်ထမ်းအသစ်အား ၄င်း၏ ကျွမ်းကျင်မှုကို ပြသခိုင်းခြင်း၊ ရုံးအတွင်း ပစ္စည်းလိုက်ရှာရသော ဂိမ်းကဲ့သို့ အစီအစဉ်များ ဆောင်ရွက်သည်ကိုလည်း တွေ့ရပါသည်။

အလုပ်သစ်တစ်ခုအား ပထမဆုံးစတင်သည့်နေ့သည် ဆိုးဝါးနေခဲ့ခြင်း၊ သို့မဟုတ် စိတ်လှုပ်ရှားစရာမကောင်းခြင်းတို့သည် အလုပ်ထွက်နှုန်း များလာစေနိုင်ပါသည်။ အဘယ်ကြောင့်ဆိုသော် ဝန်ထမ်းများသည် ၄င်းတို့ အလုပ်ဝင်သော ကုမ္ပဏီတွင် ဆက်လုပ်သင့်၊ မလုပ်သင့် ဆိုသည်ကို အစောပိုင်းလများအတွင်း စဉ်းစားကြသည် ဆိုခြင်းကို လေ့လာချက်များတွင် တွေ့ရပါသည်။ အလုပ်စဝင်ဝင်ခြင်း ပထမ ရက်သတ္တပတ်များ ကာလသည် ဝန်ထမ်းအနေဖြင့် ၄င်း၏ လုပ်ငန်းခွင်အား အတွင်းမှ ပထမဆုံးစတွေ့နိုင်ခြင်းဖြစ်ကြောင်း ဝန်ထမ်းအင်အား သုတေသနပြုခြင်းနှင့် အကြံပေးကုမ္ပဏီဖြစ်သော Staffing.org ၏ chief executive ဖြစ်သူ David Earle မှ ပြောကြားပါသည်။

ဆန်အန်တိုနီယိုမြို့ရှိ Clear Channel Communications Inc ကုမ္ပဏီတွင် (မိတ်ဆွေတို့ မြင်ဖူးမည်ထင်ပါသည် – ဘတ်စ်ကားမှတ်တိုင်များတွင်ကြော်ငြာများကပ်သော ကုမ္ဗဏီပေါ့) ဝန်ထမ်းသစ်စုဆောင်းခြင်းဒါရိုက်တာဖြစ်သူ Morgan Hoogevelt က ၄င်း၏ ကုမ္ပဏီတွင် ယခင်က ဝန်ထမ်းသစ်များအား နည်းလမ်းတကျကြိုဆိုမှု အစီအစဉ်မရှိခဲ့ကြောင်း ၀န်ခံ ပြောကြားခဲ့ပါသည်။ ဝန်ထမ်းများသည် ကုမ္ပဏီတွင် အလုပ်စဝင်ပြီးနောက် သူ့အားချဉ်းကပ်ပြီး ဘယ်အချိန် ရုံးလာရမလဲ၊ ဘယ်နေရာမှာ ကားပါကင်ထိုးရမလဲ၊ ဘယ်လို အဝတ်အစားပုံစံမျိုး ဝတ်ရမလဲ၊ နေ့လည်စာ အိမ်ကယူလာဖို့ အဆင်ပြေမလား စသော အခြေခံမေးခွန်းများကို မေးမြန်းလေ့ရှိကြသည်။ ယခုအခါ သူသည် ဝန်ထမ်းသစ်များ အလုပ်စမဝင်ခင်တွင် ၄င်းတို့ မေးခွန်းများကို ဖြေပေးနိုင်သည့် အလုပ်သင်နည်းပြများနှင့် ပူးတွဲပေးခြင်းဖြင့် ပို၍စနစ်ကျသော အစီအစဉ်အား အကောင်အထည်ဖော်နိုင်ရန် ကြိုးစားလျက်ရှိသည်။

၂၀၁၁ ခုနှစ်၌ Society for Human Resource Management မှ ကုမ္ပဏီများ၏ ဝန်ထမ်းကြိုဆိုမှုအလေ့အထအား စစ်တမ်းကောက်ယူမှုတွင် စစ်တမ်းဖြေသူ ထက်ဝက်ခန့်သည် အချိန်အကန့်အသတ်ရှိမှုနှင့် ဝန်ထမ်းအရင်းအမြစ်ဌာနတွင် ဝန်ထမ်းလုံလောက်မှု မရှိခြင်းတို့ကြောင့် ဝန်ထမ်းအသစ်များအတွက် နည်းလမ်းတကျအစီအစဉ်များ ပြုလုပ်ပေးခြင်းကို မလုပ်နိုင်ခဲ့ကြောင်း ပြောကြားခဲ့သည်။ ၄င်း SHRM လေ့လာမှု အရ ကုမ္ပဏီစုစုပေါင်း၏ ၁၉% တွင် ဝန်ထမ်းသစ်ကြိုဆိုခြင်းအစီအစဉ် လုံးဝမရှိသည်ကို တွေ့ရှိခဲ့ရသည်။

အလုပ်သစ်နှင့်အသားကျအောင် မိတ်ဆက်ပေးသော အစီအစဉ်အများစုသည် ကုမ္ပဏီ၏ စံနှုန်းများ၊ ယဉ်ကျေးမှုနှင့် အားသာချက်များကို အလေးပေးပြသသည်။ သို့သော် တဖြည်းဖြည်းကြီးထွားလာနေပြီဖြစ်သော သုတေသနပြုမှုများမှ အကြံပြုသည်မှာ ဝန်ထမ်းသစ်များအား ကုမ္ပဏီ၏ ရည်မှန်းချက်ကို ပို့ချခြင်းအစား၊ ၄င်းတို့ထံမှ ကုမ္ပဏီအတွက် ယူဆောင်လာသင့်သည့်အရည်အချင်း များကို လက်တွေ့ပြသစေခြင်းသည် ပို၍ ဝန်ထမ်းမြဲစေပြီး၊ စွမ်းဆောင်နိုင်စွမ်းတို့ကို ပိုမိုမြင့်မားစေမည် ဖြစ်သည်။

Harvard မှ Dr. Gino ၊ London Businesss School မှ Dan Cable နှင့် University of North Carolina မှ Bradley Staats တို့သည် တစ်ဦးချင်းစီကို အလေးပေးသော orientation အစီအစဉ်များသည် ဝန်ထမ်းများမြဲစေခြင်းနှင့် စွမ်းဆောင်နိုင်စွမ်းကို မြှင့်တင်ပေး နိုင်ကြောင်းကို သုတေသနပြုခဲ့ကြပါသည်။

အိန္ဒိယနိုင်ငံ၊ နယူးဒေလီမြို့မှ ဝန်ထမ်း (၆၅၀)၊ Wipro Ltd. ၏ စီးပွားရေးဆိုင်ရာ outsourcing လုပ်ငန်းစဉ် ကုမ္ပဏီတစ်ခုဖြစ်သော Wipro BPO ၏ ရုံးခန်းများ၊  call-centre များမှ ဝန်ထမ်းအချို့ကို သုတေသနပြုခဲ့ချိန်တွင်၊ ထိုဝန်ထမ်းများသည် မိမိတို့၏ ပင်ကိုယ်စွမ်းရည်ကို အလေးပေးသော orientation သင်တန်းပေးမှုကို တက်ရောက်ခဲ့ကြပါသည်။ ဥပမာအားဖြင့် မန်နေဂျာများသည် ဝန်ထမ်းအသစ်များအား ၄င်းတို့၏ ဘဝတစ်လျှောက်အတွင်း မည်သည့်အချိန်တွင် မိမိကိုယ်ကို ရှေ့တန်းထုတ်သင့်သည်ဟု စတင် ထင်မြင်ခဲ့သနည်းဟု မေးမြန်းခဲ့ပါသည်။ ၄င်းဝန်ထမ်းများကို ကုမ္ပဏီ၏ အမည်မဟုတ်ပဲ၊ မိမိတို့၏ နာမည်များ စာတန်းထိုးထားသည့် တီရှပ်များကို ပေးအပ်ခဲ့ပါသည်။ ၆လ ကုန်ဆုံးပြီးချိန်တွင်၊ ဝန်ထမ်းဗဟိုပြု orientation သင်တန်းပေးမှုကို တက်ရောက်ခဲ့ကြသူများသည် သာမန် ကုမ္ပဏီဗဟိုပြု ဝန်ထမ်းကြိုဆိုခြင်းလုပ်ငန်းစဉ်ဖြင့် ဝင်ရောက်ခဲ့သူများထက် အလုပ်ထွက်နိုင်ခြေ ၃၂% ပိုမို နည်းပါးကြောင်း တွေ့ရှိခဲ့ပါသည်။

University of Virginia မှ စီမံခန့်ခွဲရေးပရော်ဖက်ဆာ Rob Cross သည် ဝန်ထမ်းများအနေဖြင့် လူမှုရေးအဖွဲ့တစ်ခုသို့ ဝင်ရောက်ပြီး ဖြစ်ပါက၊ အလုပ်တွင် ပိုမြဲကြောင်း တွေ့ရှိခဲ့ပါသည်။ မန်နေဂျာများအနေဖြင့် ဝန်ထမ်းသစ်များအား ရင်းနှီးမှု သူ့အလိုလို ဖြစ်လာလိမ့်မည်ဟု မယူဆထားပဲ၊ လုပ်ဖော်ကိုင်ဖက်များ၊ ဆရာများနှင့် မိတ်ဆက်ပေးထားရန် ပရော်ဖက်ဆာမှ အကြံပြုထားပါသည်။

၂၀၁၂ ခုနှစ်တွင် ဝန်ထမ်းအသစ် ၅၀၀၀ ကျော် ခန့်အပ်ခဲ့သည့် Google Inc. သည် ၄င်း၏ ဝန်ထမ်း orientation အစီအစဉ်ကို စမ်းသပ်သည့်အနေဖြင့်၊ Nooglers ဟု သူတို့ ခေါ်ဝေါ်သည့် ဝန်ထမ်းအသစ်များအား အချင်းချင်းပိုမိုရင်းနှီးစေရန် ချိတ်ဆက်ပေးပြီး၊ လုပ်ငန်းခွင်တွင် လျင်မြန်စွာ အမီလိုက်နိုင်ရန် ကူညီပေးပါသည်။ ဥပမာအားဖြင့်၊ ၄င်းကုမ္ပဏီသည် ဝန်ထမ်းများ orientation အစီအစဉ်ု ပြုလုပ်ရာတွင်၊ အဖွဲ့အရွယ်အစားသည် ဝန်ထမ်းသစ်များ လက်ခံနိုင်မှုကို မည်သို့ မည်ပုံ သက်ရောက်ခြင်း ရှိစေသည်ကို စမ်းသပ်ခဲ့ကြ ပါသည်။

Google ၏ တွေ့ရှိချက် – လူတစ်ဒါဇင်ခန့်ဖြင့် orientation အစီအစဉ်တွင် ပါဝင်ခဲ့သော ဝန်ထမ်းများသည် ၄င်းအရေအတွက်ထက် ပို၍ ကြီးမားသော အဖွဲ့ထက် ပို၍ တစ်ဦးနှင့်တစ်ဦးအကြား သက်တောင့်သက်သာရှိပြီး၊ ခင်မင်ရင်းနှီးမှုများ တည်ဆောက်နိုင်ခဲ့သည်။ သို့သော် အဖွဲ့ အရွယ်အစားသည် အလုပ်ဖြစ်ထွန်းမှုအပေါ် ထူးထူးခြားခြား သက်ရောက်မှု မရှိကြောင်း တွေ့ရှိခဲ့ပါသည်။

——

MyanmarJobsDB မှ မျှော်လင့်သည်မှာ မိတ်ဆွေတို့၏ လုပ်ငန်းသို့ရောက်လာသည့် ၀န်ထမ်းများ၏ ပထမဆုံးနေ့ကို အဓိပ္ဗါယ်ရှိရှိ ဖန်တီးပေးနိုင်စေရန်ဖြစ်ပါသည်။ ယင်းသို့ပြုလုပ်ခြင်းဖြင့် ၀န်ထမ်းများပို၍ပျော်ရွှင်ကာ၊ First Impression ကောင်းကာ သင်၏အလုပ်တွင် ရေရှည်တည်မြဲရန် အခွင့်အလမ်းပိုများမည် ဖြစ်ပါသည်။ ယေဘုယျအားဖြင့် ပထမဆုံး အလုပ်ဝင်သောနေ့ နှင့် နောက်ဆုံးအလုပ်ထွက်သောနေ့တို့ကိုသာ ၀န်ထမ်းများက စွဲမြဲစွာ မှတ်မိကြပေသည်။ ထိုနေ့များကို ကောင်းသောပုံရိပ်များအနေဖြင့် ဖန်တီးပေးနိုင်လျှင်  ၎င်းတို့၏ စိတ်ဓါတ်မြှင့်တင်ရာရောက်ပြီး သင့်လုပ်ငန်းအတွက်များစွာ အကျိုးရှိနိုင်မည်မှာ မလွဲပေ။

ကိုးကား – Wall Street Journal

3307 total views, 1 today

Tags: , , , ,

Leave a Reply

You must be logged in to post a comment.