အလုပ်အကိုင်အခွင့်အလမ်းများအတွက် ပိုမိုရင်းနှီးမြှုပ်နှံရန် ဒေါ်အောင်ဆန်းစုကြည်မှ တိုက်တွန်း

Posted by | September 22, 2013 | News

22 Sep 2013

(Referenced from Wall Street Journal – By SHIBANI MAHTANI)

ဒေါ်အောင်ဆန်းစုကြည်သည် နိုင်ငံအတွင်း ပြုပြင်ပြောင်းလဲမှုနှင့် စီးပွားရေး ဖွံ့ဖြိုးတိုးတက်မှုအတွက် သူ၏ မျှော်မှန်းချက်ကို ကောက်ကြောင်းဖော်ပြရာတွင်၊ အရပ်သားအစိုးရသို့ အကူးအပြောင်း ပြုလုပ်နေမှုသည် နှေးကွေးလွန်းနေကြောင်းနှင့် နောင် နှစ်နှစ်တွင် ပြုလုပ်မည့် အထွေထွေရွေးကောက်ပွဲ အတွက် သူမအနေဖြင့် ဦးစားပေးဆောင်ရွက်သွားမည့် ကိစ္စများအကြောင်း တို့ကို စင်္ကာပူနိုင်ငံသို့ အလည်အပတ် ရောက်ရှိနေချိန်တွင် ပြောကြားသွားသည်။

“ကျွန်မတို့အနေနဲ့ အခု ပြုပြင်ပြောင်းလဲမှုလုပ်ငန်းစဉ်ဟာ ဘယ်လောက် ခရီးရောက်ခဲ့ပြီ၊ စစ်မှန်မှု ရှိ၊ မရှိ၊ ခိုင်မာမှု ရှိ၊ မရှိ၊ အားကောင်းမှု ရှိ၊ မရှိ ဆိုတာကို မေးခွန်းထုတ်သွားသင့်တယ်။ မြန်မာနိုင်ငံရဲ့ ခေါင်းဆောင်တွေအနေနဲ့ တိုင်းပြည်အတွက် မှန်ကန်တဲ့ အရာတွေ ပြုလုပ်သွားဖို့ အာရုံစိုက်ဖို့ လိုအပ်တယ်” ဟု တနင်္ဂနွေနေ့၌ Singapore Management University တွင် ဒေါ်အောင်ဆန်းစုကြည်မှ မိန့်ခွန်း ပြောကြားသွားခဲ့သည်။

အဆိုပါ အရှေ့တောင်အာရှနိုင်ငံသည် ဆယ်စုနှစ်များစွာ စစ်အစိုးရအုပ်ချုပ်ရေးလက်အောက်တွင် ရှိခဲ့ပြီးနောက် ယခင် စစ်ခေါင်းဆောင်များ အများစုပါဝင်သည့် အရပ်သား အစိုးရအသစ်တစ်ရပ် အဖြစ် စတင်ခေါင်းထောင်လာလျက်ရှိသည်။ ဒေါ်အောင်ဆန်းစုကြည် အနေဖြင့် ၂၀၁၅ ခုနှစ်တွင် သမ္မတလောင်းအဖြစ် ဝင်ရောယ်ယှဉ်ပြိုင်ရန် ဆန္ဒရှိသော်လည်း၊ ယခင် စစ်အစိုးရ ခေါင်းဆောင်များ ချမှတ်ခဲ့သော အခြေခံဥပဒေကို အရင်ပြင်ဆင်ပြီးမှသာ ထိုကဲ့သို့ ဝင်ရောက်ယှဉ်ပြိုင်နီုင်မည် ဖြစ်သည်။

အရှေ့တောင်အာရှ၏ အဓိက စီးပွားရေးဗဟိုချက်ဖြစ်သည့် စင်္ကာပူနိုင်ငံသို့ ဒေါ်အောင်ဆန်းစုကြည်မှ လေးရက်ကြာ လာရောက်လည်ပတ်ခဲ့သည့်အချိန်အတွင်း မိန့်ခွန်းနှစ်ခု ပြောဆိုခဲ့ရာ၊ ရွေးကောက်ပွဲကာလ၌ မြန်မာနိုင်ငံသို့ ဝင်ရောက်ရန်၊ သို့မဟုတ် လုပ်ငန်းချဲ့ထွင်ရန် ရင်းနှီးမြှုပ်နှံသူများ စိတ်ဝင်စားနေချိန်တွင်၊ သူ၏ စီးပွားရေးနှင့် နိုင်ငံရေးဆိုင်ရာ ဦးစားပေးမှုများ အကြောင်း နားထောင်သိရှိခွင့်ရလိုက်မည့် အခွင့်အရေးအဖြစ်  အများစုက ထင်မြင်လျက်ရှိကြသည်။

ဒေါ်အောင်ဆန်းစုကြည်သည် နှစ်ရှည်များစွာ နိုင်ငံရေးအကျဉ်းသားဖြစ်ခဲ့သည့်အတွက် ဒီမိုကရေစီ၏ ပြယှဂ်တစ်ခု ဖြစ်လာခဲ့ သော်လည်း၊ အရှေ့တောင်အာရှတွင် အဆင်းရဲဆုံးဖြစ်သည့် နိုင်ငံကို ဖွံ့ဖြိုးတိုးတက်စေရန် မည်ကဲ့သို့ ဆောင်ရွက်သွားမည်ဟု ဆိုသော သူ၏ အမြင်များအား ရှင်းလင်းစွာ မသိရှိရသေးပါ။ ယခု ခရီးစဉ်သည် ကမ္ဘာ့ထိပ်တန်းကုမ္ပဏီ အများအပြားနှင့် ဒေသတွင်းရှိ ရင်းနှီးမြှုပ်နှံရန် အလားအလာရှိသူများ အခြေစိုက်သည့် စင်္ကာပူနိုင်ငံသို့ ပထမဆုံး ခရီးစဉ်လည်း ဖြစ်သည့်အတွက်၊ စီးပွားရေးခေါင်းဆောင်များနှင့် အစိုးရ အရာရှိများအနေဖြင့် ဤ ကဲ့သို့ လူသိများသည့် ထိပ်သီး အစည်းအဝေးပွဲများ၌ သူ၏ စီးပွားရေးဆိုင်ရာ မူဝါဒများနှင့် ဦးစားပေးမှုများအကြောင်း ရှင်းလင်းပြောကြားလိမ့်မည်ဟု မျှော်လင့်ထားကြပါသည်။

နှစ်စဉ်ကျင်းပမြဲဖြစ်သည့် Singapore Summit အား စနေနေ့တွင် ပြုလုပ်ခဲ့စဉ် မိန့်ခွန်းပြောကြားခဲ့သည့် ဒေါ်အောင်ဆန်း စုကြည်သည် တာဝန်ယူတတ်မှုရှိသော ရင်းနှီးမြုပ်နှံခြင်း နှင့် မြန်မာနိုင်ငံ၏ ပေါကြွယ်ဝလှသော သဘာဝသယံဇာတများ အစား၊ လူစွမ်းအင်ဖွံ့ဖြိုးမှုကိုသာ ပစ်မှတ်ထားရန် အရေးကြီးကြောင်း အလေးပေး ပြောကြားခဲ့ပါသည်။ ၄င်း ထိပ်သီးအစည်းအဝေးတွင် အာရှဒေသ ကြီးပွားတိုးတက်ရေးအကြောင်း ဆွေးနွေးရန် သံတမန်များနှင့် စီးပွားရေးခေါင်းဆောင်များ အချင်းချင်း တွေ့ဆုံမိစေရန် စီစဉ်ခြင်း ဖြစ်သည်။

သူမ၏ ထင်မြင်ချက်များ ပြောကြားသည့်အချိန်တိုင်းတွင် ညီညွတ်စွာ လက်ခုပ်တီးသြဘာပေးသံများ ထွက်ပေါ်လာခဲ့ပါသည်။ အမေးအဖြေ အချိန်တွင်၊ လန်ဒန်မြို့အခြေစိုက် ကြော်ငြာနှင့်လူထုဆက်ဆံရေးကုမ္ပဏီတစ်ခု ဖြစ်သည့် WPP ကုမ္ပဏီအား တည်ထောင်သူ Martin Sorrell အပါအဝင် စီးပွားရေးခေါင်းဆောင်များသည် ၄င်းတို့၏ ရင်းနှီးမြှုပ်နှံမှုများသည် မြန်မာနိုင်ငံကို မည်ကဲ့သို့ အကျိုးပြုနိုင်မည် ဆိုသည့် မေးခွန်းကို မေးခဲ့ကြပါသည်။

“ကျွန်မလိုချင်တာက အလေးထားမှုရှိပြီး အသိဥာဏ်ပြည့်ဝတဲ့ ရင်းနှီးမြုပ်နှံမှုပဲ” ဟု ၁၉၉၁ ခုနှစ် ငြိမ်းချမ်းရေး နိုဘယ်လ်ဆုရှင် ဒေါ်အောင်ဆန်းစုကြည်က ပြောကြားခဲ့ပါသည်။ “သာတူညီမျှမှုရှိတဲ့ ဖွံ့ဖြိုးတိုးတက်ရေးတွေ သေချာဖြစ်လာစေဖို့ အတွက် ကျွန်မတို့အနေနဲ့ ကျေးလက်ဖွံ့ဖြိုးတိုးတက်မှုနဲ့ အသေးစားနဲ့ အလတ်စား စီးပွားရေးလုပ်ငန်းတွေ ကို အာရုံစိုက်ပေးရမှာ ဖြစ်ပါတယ်။”

သို့သော် မြန်မာနိုင်ငံတွင် ရင်းနှီးမြှုပ်နှံမှုများ တိုးတက်လာမှု ရှိ၊ မရှိ စောင့်ကြည့်ရဦးမည် ဖြစ်သည်။ မိုးထက်ခုန်တက်နေသော အိမ်ခြံမြေဈေးများ၊ နိုင်ငံရေးနှင့် ဥပဒေဆိုင်ရာ infrastructure များ ရေရာမှု မရှိခြင်းတို့ကြောင့် ကုမ္ပဏီအများစုမှာ မြန်မာနိုင်ငံ တွင်း ဝင်ရောက်ရန် ခေတ္တဆိုင်းငံ့ထားလျက်ရှိသည်။ အထူးသဖြင့် အမေရိကန်ကုမ္ပဏီများအနေဖြင့် ယခင်စစ်အစိုးရ၏ ခရုနီများအဖြစ် သတ်မှတ်ထားသော “Specially Designated Nationals” အယောက် (၁၀၀) ခန့်နှင့် အလုပ်လုပ်ရန် ပိတ်ပင်ထားသည့် စီးပွားရေးပိတ်ဆို့မှုများ ဆက်လက်တည်ရှိနေသည့်အတွက် ဝင်ရောက်လာသေးခြင်း မရှိသေးပေ။

အမေရိကန်-အာဆီယံစီးပွားရေးကော်စီ (US-ASEAN Business Council) ၏ ဒါရိုက်တာဖြစ်သူ Anthony Nelson က “လွန်ခဲ့တဲ့ ၄ လ၊ ၅ လ လောက်က မကြုံတွေ့ရတဲ့ စိတ်မကျေနပ်မှုမျိုးကို အခု ကုမ္ပဏီတွေမှာ မြင်တွေ့နေရတယ်” ဟု ပြောကြားခဲ့ပါသည်။ သြဂုတ်လကုန်အထိ မြန်မာနိုင်ငံတွင် နိုင်ငံခြား ရင်းနှီးမြှုပ်နှံမှုများအား  စုစည်းထားမှုသည် အစိုးရ မှ ထုတ်ပြန်သည့် ကိန်းဂဏန်းများအရ US$43.6 billion ခန့် ရှိပြီး၊ ၄င်းတို့အနက် လေးပုံ သုံးပုံမှာ ရေနံ၊ ဂက်စ် နှင့် စွမ်းအင် တို့ကို ဦးစားပေးထားသည့် လုပ်ငန်းများဖြစ်ကြောင်း သိရှိရပါသည်။

လွန်ခဲ့သည့် ၃ နှစ်ခန့်က ဒီမိုကရေစီအသွင်ပြောင်းခြင်း အစီအစဉ် စတင်ခဲ့ပြီးနောက် ယခုအထိ ကျေးလက်ဒေသရှိ ပြည်သူများ ၏ ဘဝများသည် ရုပ်ဝတ္ထုအရ ပြောင်းလဲမှု မရှိသေးကြောင်း ဒေါ်အောင်ဆန်းစုကြည်မှ ပြောကြားခဲ့သည်။ အလုပ် အကိုင် ဖန်တီးပေးခြင်းသည် အား ဦးစားပေးရမည်ဖြစ်ပြီး၊ နှစ်ရှည်ကြာ ပစ်ပယ်ထားခံရပြီး၊ အချို့အချိန်များတွင် ဗဟိုအစိုးရနှင့် မကြာခဏ စစ်မက်ဖြစ်ပွားနေသည့် တိုင်းရင်းသားအုပ်စုများနှင့် ပြန်လည်ချစ်ကြည်မှုရရှိရေးကိုလည်း ဦးစားပေးရမည် ဖြစ်ကြောင်း ပြောကြားခဲ့ပါသည်။

“ကျွန်မတို့နိုင်ငံရဲ့ အစိုးရထဲက လူတွေထဲမှာ အသွင်ကူးပြောင်းခြင်းကို စီးပွားရေးအရသာ စဉ်းစားနေတာကို တွေ့မြင်နေရ ပါတယ်။ ဒါပေမယ့် စစ်မှန်တဲ့ ပြုပြင်ပြောင်းလဲမှု ဖြစ်ပေါ်ခြင်းအတွက် အောင်မြင်ရေးဟာ ကျွန်မတို့ရဲ့ လူမှုအသိုင်းအဝိုင်းမှာ ဘယ်အခြေအနေအထိ ပါဝင်ပတ်သက်မှုကို ဖန်တီးနိုင်မလဲ ဆိုတဲ့အပေါ် မူတည်နေပါတယ်” ဟု ဒေါ်အောင်ဆန်းစုကြည်က ပြောကြားခဲ့ပါသည်။

မြန်မာနိုင်ငံတွင် ရင်းနှီးမြှုပ်နှံရန် ကြံစည်နေသည့် အချို့သော စီးပွားရေးခေါင်းဆောင်များသည် ဒေါ်အောင်ဆန်းစုကြည် အနေဖြင့် သမ္မတဖြစ်သွားခဲ့ပါက လက်ရှိ နိုင်ငံခြားရင်းနှီးမြှုပ်နှံမှုကို ကြိုဆိုနေသည့် အနေအထား ပြောင်းလဲသွားမည်ကို စိတ်ပူနေကြသည်။ အချို့ကလည်း သူ၏ ပါတီဖြစ်သည့် အမျိုးသားဒီမိုကရေစီအဖွဲ့ချုပ်သည် စစ်အုပ်ချုပ်ရေး အောက်တွင် ဆယ်စုနှစ် များစွာ ရုန်းကန်လှုပ်ရှားနေခဲ့ရစဉ် ၄င်းတို့၏ အာရုံစိုက်မှုသည် လူအခွင့်အရေးနှင့် ဒီမိုကရေစီသာ ဖြစ်ခဲ့သည့် အတွက် ၄င်း ပါတီအနေဖြင့် စီးပွားရေးဆိုင်ရာ ပြဿနာများကို ဖြေရှင်းရာတွင် ထိရောက်နိုင်မှု ရှိ၊ မရှိကို သံသယ ဖြစ်နေကြသည်။

ပါတီ၏ အားထားရသူများသည် ဆယ်စုနှစ်များစွာ အကျဉ်းချခံထားရပြီး၊ စစ်တပ်နှင့် ၄င်း၏ မဟာမိတ်များကို အလေး ပေးထားသော လက်ရှိ အခြေခံဥပဒေအရ ဖွဲ့စည်းထားသည့် လွှတ်တော်တွင်လည်း ၆% သာ နေရာရထားသောကြောင့်၊ ၄င်းတို့အနေဖြင့် နိုင်ငံ၏ ဥပဒေသစ်များ နှင့် စီးပွားရေးဆိုင်ရာ မူဘောင်များ ရေးဆွဲခြင်းတို့တွင် ပါဝင်ခြင်း မရှိနိုင်သေးပေ။

ရင်းနှီးမြှုပ်နှုံမှုများ ရရှိလာရေးအတွက် ဆွဲဆောင်နိုင်ရေးနှင့် ရင်းနှီးမြှုပ်နှံရန် အန္တရာယ်ရှိသည်ဟု အမည်တပ်ခံခဲ့ရသည့် မြန်မာနိုင်ငံတွင် ယခင်နှစ်က ဖြစ်ပွားခဲ့သော ဒေသတွင်း ပဋိပက္ခများ ကို ဖြေရှင်းနိုင်ရေးအတွက် တရားဥပဒေစိုးမိုးရေးသည် လွန်စွာ အဓိကကျကြောင်း သူ၏ မိန့်ခွန်းတွင် ပြောကြားသွားခဲ့ပါသည်။

ဒေါ်အောင်ဆန်းစုကြည်သည် ပိုမိုလွတ်လပ်သော တရားစီရင်ဆုံးဖြတ်မှုအတွက် ကြိုးစားအားထုတ်သွားမည်ဟု ပြောကြားသွားပြီး၊ ယခုလက်ရှိအစိုးရနှင့် ကွဲပြားမည့် မည်သည့်အရာများကို ဆောင်ရွက်သွားမည်ဟူသည်ကိုမူ အသေးစိတ် ရှင်းလင်းပြောကြားသွားခြင်း မရှိပါ။

Referenced From: Wall Street Journal Article

 

6224 total views, 2 today