နိုင်ငံသားများနှင့်တန်းတူ အခွင့်အရေးပေးမည်ဟု ထိုင်းနှင့်မလေးရှားအစိုးရ ကတိပေး

Posted by | May 12, 2014 | News, Policies and Regulations

ထိုင်းနှင့် မလေးရှားနိုင်ငံတို့တွင် ရောက်ရှိနေသည့် မြန်မာအလုပ်သမားများအနည်းဆုံး လုပ်ခသတ်မှတ်ရေးရရှိရေးအပြင် အဆိုပါနိုင်ငံသားများနည်းတူ အခွင့်အရေးပေးမည်ဟု ထိုင်းနှင့်မလေးရှားအစိုးရတို့က ကတိပေးကြောင်း အလုပ်သမား၊ အလုပ်အကိုင်နှင့် လူမှုဖူလုံရေးဝန်ကြီးဌာန ဒုတိယ၀န်ကြီး ဦးထင်အောင်က ပြောကြားသည်။

မြန်မာအလုပ်သမားများအရေးကိစ္စ နှင့်ပတ်သက်၍ မေလ ၃ရက်နေ့မှ ၁၁ရက်နေ့အထိ အဆိုပါနိုင်ငံများသို့သွားရောက်ခဲ့သည့် ခရီးစဉ်အပြီးတွင် ရန်ကုန်မြို့ အလုပ်သမားညွှန်ကြားရေးဦးစီးဌာန ကျွမ်းကျင်မှုလေ့ကျင့်ရေး သင်တန်းကျောင်းတွင်ပြုလုပ်သည့် သတင်းစာရှင်းလင်းပွဲတွင် ၎င်းက ယင်းသို့ပြောဆိုခြင်းဖြစ်သည်။

Photo via http://englishnews.thaipbs.or.th/bangkok-protests-leave-many-myanmar-migrant-workers-without-visas/

Photo via http://englishnews.thaipbs.or.th/bangkok-protests-leave-many-myanmar-migrant-workers-without-visas/

အနည်းဆုံးသတ်မှတ်ထားသည့် လုပ်အားခမရှိမှုအပြင် အခွင့်အရေးချိုးဖောက်ခံရခြင်း စသည့်အလုပ်သမား ပြဿနာများကို သက်ဆိုင်ရာနိုင်ငံရှိ လူမှုအဖွဲ့အစည်းများမှတစ်ဆင့် တိုင်ကြားနိုင်ပြီး ယင်းသို့တိုင်ကြားပါက သက်ဆိုင်ရာနိုင်ငံအစိုးရကို တင်ပြကာလုပ်ဆောင်ပေးမည်ဖြစ်ကြောင်း ဦးထင်အောင်က ဆိုသည်။

“သူတို့နိုင်ငံသားတွေနဲ့ တန်းတူအခွင့်အရေးပေးမယ်လို့ ထိုင်းနဲ့မလေးရှားနှစ်နိုင်ငံစလုံးက ကတိပေးတယ်” ဟု ၎င်းကရှင်းပြသည်။

မလေးရှားနိုင်ငံတွင် ပြည်ထဲရေးဝန်ကြီးဌာန၊ ဒုတိယ၀န်ကြီးတို့နှင့် တွေ့ဆုံဆွေးနွေးခဲ့ပြီး ထိုင်းနိုင်ငံတွင် အလုပ်သမားဝန်ကြီးဌာနမှ အမြဲတမ်းအတွင်းဝန်တစ်ဦးနှင့် တွေ့ဆုံဆွေးနွေးခဲ့ကြောင်း၊ ယင်းနိုင်ငံများရှိ စက်ရုံများသို့သွားရောက်ကာ မြန်မာအလုပ်သမားများနှင့် လူမှုအဖွဲ့အစည်းများနှင့် တွေ့ဆုံခဲ့ကြောင်း အလုပ်သမားအလုပ်အကိုင်နှင့် လူမှုဖူလုံရေးဝန်ကြီးဌာနထံမှ သိရှိရသည်။

မလေးရှားနိုင်ငံတွင် ဖြစ်ပွားခဲ့သည့် မြန်မာအလုပ်သမားများ အကြမ်းဖက်ခံရမှုမျိုး ထပ်မံမဖြစ်ပွားအောင် လုပ်ဆောင်ပေးမည်ဟု မလေးရှားနိုင်ငံ ပြည်ထဲရေးဝန်ကြီးဌာန ၀န်ကြီးက ကတိပေးခဲ့ပြီး မလေးရှား ပြည်ထဲရေးဝန်ကြီးဌာန၀န်ကြီးနှင့် မြန်မာအလုပ်သမားသံအရာရှိတို့ အနည်းဆုံး တစ်လတစ်ကြိမ်တွေ့ဆုံ ဆွေးနွေးရန်လည်း သဘောတူညီမှုရရှိခဲ့ကြောင်း ဦးထင်အောင်ကပြောကြားသည်။

ထိုင်းနှင့်မလေးရှားနိုင်ငံတို့တွင် သတ်မှတ်ထားသည့် အနည်းဆုံး လုပ်အားခမရရှိခြင်း၊ လုပ်အား ခေါင်းပုံဖြတ်ခံရခင်း၊ အကြမ်းဖက်ခံရခြင်း စသည့် ပြဿနာများနှင့် ကြုံတွေ့နေရကြောင်း မြန်မာလုပ်သားများထံမှ သိရှိရသည်။

မြန်မာလုပ်သားများသည် ထိုင်းနိုင်ငံတွင် သုံးသန်းဝန်းကျင်ရှိပြီး မလေးရှားနိုင်ငံတွင် နှစ်သိန်းငါးသောင်းဝန်းကျင်ရှိကြောင်း အလုပ်သမား၊ အလုပ်အကိုင်နှင့် လူမှုဖူလုံရေးဝန်ကြီးဌာနထံမှ သိရှိရသည်။

—–
The Voice Daily, May 12, 2014 မှ တိုက်ရိုက်ကူးယူ ဖော်ပြပါသည်။

1034 total views, 3 today

Leave a Reply

You must be logged in to post a comment.