အသက်မွေးဝမ်းကျောင်းသင်တန်းအတွက် ဆရာများမွေးထုတ်ရန် ဂျာမနီ၊ ကိုရီးယားနိုင်ငံတို့နှင့် ပူးပေါင်းမည်

Posted by | May 12, 2014 | News, Training/Education

နည်းပညာကျွမ်းကျင်မှုနှင့် အသက်မွေးဝမ်းကျောင်းပညာ ဥပဒေမူကြမ်းကို ယခုနှစ်အတွင်းအပြီးသတ်ရေးဆွဲလျက်ရှိပြီး ယင်းဥပဒေပေါ်ပေါက်လာပါက အသက်မွေးဝမ်းကျောင်းသင်တန်းများဖွင့်လှစ်နိုင်မည်ဖြစ်ရာ အဆိုပါသင်တန်းကျောင်းများအတွက် နည်းပြဆရာများမွေးထုတ်ရန် ဂျာမနီ၊ ကိုရီးယားနိုင်ငံတို့နှင့် ယခုနှစ်ပိုင်းတွင် ပူးပေါင်းမည်ဖြစ်ကြောင်း သိပ္ပံနှင့်နည်းပညာဝန်ကြီးဌာန စက်မှုနှင့်သက်မွေးပညာ ဦးစီးဌာနညွှန်ကြားရေးမှူးချုပ် ဦးဇော်ဝင်းက The Voice သို့ပြောကြားသည်။

ယင်းကဲ့သို့ ဂျာမနီနှင့်ကိုရီးယားနိုင်ငံတို့နှင့် ပူးပေါင်းနိုင်ရန် ယခုနှစ်ကုန်ပိုင်းတွင် နားလည်မှုစာချွန်လွှာများကို ရေးထိုး၍ ၂၀၁၅နှင့် ၂၀၁၆ခုနှစ်တို့တွင် အသက်မွေးဝမ်းကျောင်းပညာသင်တန်းများဖွင့်လှစ်ကာ သင်တန်းဆရာများမွေးထုတ်သွားမည်ဖြစ်ကြောင်း ၎င်းကပြောကြားသည်။

“ဆရာဖြစ်သင်တန်းကျောင်းတွေ ဖြစ်လာဖို့ ရည်ရွယ်ပါတယ်။ ၂၀၁၅မှာတစ်ကျောင်း၊ ၂၀၁၆မှာ တစ်ကျောင်း ပေါ်လာနိုင်ဖို့ ရှိပါတယ်” ဟု ၎င်းက ဆိုသည်။

အသက်မွေးဝမ်းကျောင်း အတတ်ပညာ သင်တန်းကျောင်းများ ဖွင့်လှစ်ပါက သင်တန်းသားများ၏ အရည်အသွေးကို ထိန်းသိမ်းရန်အတွက် အမှန်တကယ် တတ်ကျွမ်းသော ဆရာများရှိရန်လိုအပ်ကြောင်း၊ သင်တန်းပြီးဆုံးလျှင်လည်း လုပ်ငန်းခွင်တွင် ဆက်လက်သင်ယူနိုင်ပါက သင်တန်းသားများ၏ အရည်အချင်းကို ရေရှည်ထိန်းသိမ်းရာလည်းရောက်ကြောင်း Tip Top Education အုပ်ချုပ်မှု ဒါရိုက်တာဦးဇော်မင်းထွန်းက အကြံပြုပြောကြားသည်။

သိပ္ပံနှင့် နည်းပညာဝန်ကြီးဌာနက ပြင်ဦးလွင်နှင့်ဘီးလင်းတို့တွင် စက်မှုဆရာဖြစ်သင်ကျောင်းနှစ်ကျောင်းကို ဖွင့်လှစ်ထားသည်။

——
The Voice Sunday, May 11, 2014 မှ ကူးယူဖော်ပြသည်။

1443 total views, 1 today

Leave a Reply

You must be logged in to post a comment.